Das wuchenänd hani mi müesse vo de erschte Lüt wueni da könneglehrt han verabschide. De Jan vo de Schwiz hed sich nume für nes halbs Jahr agmälded, drum isch sini Zit da in Amerika jetzt abgloffe. Er hed am Fritigobig in Grover Beach es Bonfire organisiert und all sini Kollege iglade. Obwohl s wätter ned würkli hed welle mitspile hemmer e guete letschte abig mit ihm gha. Übernachted han ich denne bi de Celina, will ich schüscht ned gwüsst hetti wie heiga bis uf Atascadero. Wu mer heicho sind hemmer no chli Cookies bachet und mer isch ufgfalle das es ned würkli sälbstverständlich isch das jede Teenager chan es Rezäpt läse und d Aleitig befolge. Naja.. Nach es paar Plauderstunde mit feine früsche cookies simmer denn au mal go schlöfele. Am nögschte Morge isches denne Zit worde zum eus vo de Teresa verabschide, wasi zimmli trurig gfunde han, will sie isch halt scho eini vo mine beschte Ustuschschüeler buddies gsi! D teresa isch leier vo EF usekikt worde wäge Gründ wo mer irgendwie nie wükli erfahre hend - aber das isch jetz da ja au ned wichtig ;) Uf jede Fall hemmer eus denn am Samschtigmorge alli in San Luis im Starbuks troffe und sind denne chli go lädele und hend zäme zmittag gässe. Wun mer eus denne hend müsse vo de Teresa verabschide heds mi mega ine truurigi Stemmig tätscht, will ich realisiert han wie schwirig das denn wird sii wenn mir hei gönd und eus vo dene lüt müend verabschide wumer denne villicht nie wider gsend... :( ! uncool! Aber da d Teresa vo Österrich und de Jan vo de Schwiz sogar isch bin ich mir zimmlich sicher das mer eus denn scho glii e mal chönd träffe sobald ich chan autofahre denn mal ;)
Ich han hüt zwe super schnäppli poschthed im Aberocrombie (cooli marke!!), zwe uu cooli pullis für nume 25 dollars - fantastisch, ned?Und i Vectoria´s Secret hani en Body Spray und en Lipgloss kauft, au zwe super schnäpplis! Ich bin eifach en schnäpplikönigin! :D hihi.. xoxo <3
Keine Kommentare:
Kommentar veröffentlichen