last weeks

Die letschte paar woche send verbi gange wie im Flog. Jede Tag esch voll planed gsi ond ech han nie nüt ztue gha. Aber es hed sech glohnt! Die letschte paar Mönet do in Californie send so onbeschriblech genial gsi dass ech emmer ond emmer mech weder dra erennere wöt..
Do es paar impressione:

Seniorprank at school

school

Graduation!!

Pool Party

my PE class

Zayra Skydiving

Goodbye Party

hanging out at deanna's house - our last full day in america

letschti Schuelwoche...

Die Woche esch die letschti Schuelwoche gsi för alli 6. Klässler. Mer hend äbefalls mösse alli eusi final tests mache die Woche, allerdings han ich nur i 2 Klassene es Final gha, drom esches zimmlich en chilligi Wuche gsi för mich.. wie au för fascht alli andere Seniors.
Am Mäntig nach de Schuel semmer zu de Melody hei, chli go henge :) ech realisier die ganz Zit wie gärn ech all die Lüt done han ond wie fescht dass ech mini Kollege alli werd vermesse!

Am Dsischtig weissi ehrlichgseit au nömm gnau was mer gmacht hend, ond am Mettwoch äbefalls ned, ond am Donnschtig äbefalls ned.. heia - onglaublech! Aber mer hend eifach emmer chli noch de Schuel öppis met Kollege gmacht :) Ond well mer Final Tests gha hend die Wuche, hemmer halt au no chli mösse lehre.
Am Fritig hemmer alli bi de Miranda deheime öbernachtet. Mer hend Hamburgers vom BBQ gässe zom Znacht, send denne chli im Hot Tub gsitzed ond denne hemmer verusse a de Lin-wand Harry Potter gluegt. Gschlofe hemmer i ihrem Trailer, vorem Huus.

Am Samschtig simmer am Obig am Nick sini Geburtstagsparty und hend denn bi de Melody öbernachtet. Ond womer am nögschte Morge hend welle hei go hed de Zayra ihre Pnö en platte gha. Aber wöu mer ebbe die letschte gsi send wo losgfahre wäred hed eus denn niemer chönne hälfe ond mer send elleige dete gstande, d Kajsa, d Zayra und ich. Mir hend natürlich allne mögliche Lüt aglüte, allerdings isch Sunntig Morge am 8i gsi, drum sind alli Gschäft gschlosse und alli Lüt no am schlafe gsi. Schono blöd... Aber mir hend denn d Melody gfrögt, und sie hed gseid mer chöiged eifach nochli i ihrem Huus warte, au wenn niemert deheime isch, denne hemmer eus döt am Chüelschrank bedient und hend chli Färnseh gluegt. En Kollegin hed denn 2 Stunde spöter eus chönne hei bringe - god sei Dank :)
Spöter a dem Tag simmer a de Kollegin, wo in San Luis Obispo id Schuel gad und jetz scho graduated isch, ihri Graduation Party. Aber nur churz und denne simmer no chli go shoppe im forever21.

last week

wow.. Zit esch a mer am verbiiflüge! ech chan mich gar ned würkli erinnere was wenn passiert esch i letschter Zit..

Aber da sind es paar Sache won ich erläbt han;

Am Dunschtig hemmer äntlich mal Zit gha zum is Zumba z gaa! D Janay, d Kajsa und ich sind ine Zumba Klass i eusem Fitness :) haha mir hends mega luschtig gha, vorallem will mir die einzige gsi sind wons erschte mal det gsi sind ;) haha...

I dere Nacht, hani en Punkt vo minere Bucket List chönne erfülle - "IN n OUT in the middle of the night". Am 11:45 hemmer de Wecker gstellt und sind usegschliche, was ja jetz zimmlich eifach isch will mir im Wohnmobil schlafed. D Zayra hed am Ändi vo eusers Husifahrt gwartet ond mer send zäme in in n out gfahre - det hemmer denne zmetzt i de Nacht euse lieblings hamburger verdrückt.. haha! crazy people...

Am letschte Fritig bini mitme Kolleg, em Nick go Znacht ässe - und mir sind in ganz Atascadero umegfahre und er hed mir alli riiche Hüser zeigt, am hügel! Und denne simmer go glace ässe, im Coldstone. Det chammer sini eigeti Glace zämestelle, mit allne mögliche toppings - sooooooooooo fein :) 

Am Samschtig bini s erschte mal imme Drive In (es kino verusse, womer mitem Auto vorere riisige Linwand parkiert und vo det us de Film luegt) gsi, mit de Deanna, Zayra, Melody, Kajsa und em Davin. De Film wo mir gluegt hend isch zwar ned so guet gsi (after earth) aber es isch en gueti Erfahrig gsi, won ich scho s ganze Jahr han welle mache... :) Nachdem de film fertig gsi isch, simmer alli zäme am Davin sim Kolleg sini Party in San Luis Obispo :) isch au sehr cool gsi ;) ussert das mir die Lüt ned würkli kennt hend am Afang.. aber mit de Zit isch denn gange :)

Übernachted henmer bi de Deanna und denn am negschte Morge simmer a ihrem Teich chli go sünnele und mitem Seilbähnli vom Baum is Wasser ine gfahre/gumpet :) mega cool gsi - ihres Huus gfallt mer mega! Si wohnt aber öppe 30minute im Land usse.. :(

d Kajsa am "seilbähndle" :)

ich am "seilbähndle" :)

EF Farewell party

Gester Abig isch d Farewell Party vo eusere EF Gruppe (-Big Mama's Group) gsi. Mir sind alli zu enere Frau iglade gsi, in San Luis Obispot. Dete hemmer denn Hamburger vom BBQ serviert becho und mir hend alli chli chönne zäme schwätze. Gäge de Schluss sind mir denne alli einzeln ufgruefe worde und mir hend müesse en chlini Sprach halte und denne hemmer es Zertifikat übercho. Alli hend en sehr hirissendi Sprach ghalte dass es mich grad chli in en verwirrti Situation ine bracht hed und ich han realisiert was da eigentlich alles grad so abgahd. Ich han realisiert was für geniali Mönsche ich da kenneglehrt han und dass ich mich vo all dene scho so gli muess verabschide. Ich han realisiert was für unabartig spezielli Momänt ich da han döffe erläbe und wie komisch das wird si, eifach mine ganzi Alltag da hinder mir z la und wider i mis alte Läbe i z stige. Ich han drüber nachedänkt, was fürnes riisigs Glück ich gha han mit minere Gastfamilie, mim Wohnort, minere Schuel und mim IEC (Coordinator),... Mir sind würklich soooo vill Gedanke alli uf einisch düre Chopf und grad i dem Momänt bin ich ufgruefe worde zum mini Sprach z halte. Allerdings isch mir das ned so guet glunge, will ich zmitzt i mine Gedanke verschwumme gsi bin - drum, alles won ich use bracht gha han isch gsi; I've been living with the Bullards this year, all the time. And it's just been a really really really really really (Ich has würkli sovil mal öppe gseit) great year and i'm really really really really really really gonna miss it. And ehm.. what else? - Haha es isch zimmlich peinlich gsi aber ich han würkli grad nöd irgendwelchi Wort gha i dem Momänt, zum irgendöppis rächts äne z bringe.. haha janu - immerhin hani nöd öppis gseit wo alli andere scho sibe mal verzellt hend ;)

A dem Abig hend mer üs müesse vo de erschte paar Persone verabschide, wo d USA scho das Wuchenänd verlönd. S isch so komisch gsi - Tschüss z säge zu Fründe wo du erscht grad no könneglehrt hesch, wo aber glich so tüüf i dim Härzli send well du so vill wunderschöni Momänt mit ihne erläbt hesch. Aber ich bi mir eifach so sicher - dass ich vill vo dene Mönsche won ich da könneglehrt han, irgendeinisch wider wird gse, will ich wirde i de Wält umereise und alli go psueche! Pasta!

We'll miss you pago :(