Am 25.August bin nach Boston gfloge, wohni denne 10 täg i de Norwich University ines Vorbereitigscamp bin. Das Vorbereitigscam isch super mega coolo gsi und ich han sehr cooli neui kollege gfunde vo überall uf de wält :D Im camp hemmer Schuel gha am Morge und Sportacititys am Abig und mängisch hemmer no anderi sache undernoh, z.B simmer uf Boston go shoppe und go d Stadt aluege.
Das Camp mit all dem Spass isch superschnell a mir verbigfloge und scho isch de grossi Tag vor de Tür gstande wuni vo Boston uf Missouri gfloge bin, zum det mini Hostfamiliy träffe und denne mit dene zu de Grosseltere e wuche id Ferie. Mine Flug isch völlig verwirrend gsi und d Zite sind immer wider verschobe worde, und schlussändlich mit 2 stunde verspötig gfloge wär aber glich ergendwie früener det gsi isch, was dezue gfüehrt hed das ich drüviertelstund früehner am flughafe gsi bin als mini gastfamilie. D Temperatur z Boston isch mega chüel gsi, öppe um di 2o grad so wuni z Missouri usem Flughafe useglofe bin hetz mi mit 45 grad wükli schier hindeuseghaue und ich bi so schnell wie möglich wieder is gebäude ine ghöcklet :D nach 45 omehöckle met vermschte ängschtleche, fröhleche, gspannte, ond vererrte gfühl hani min Name ghört rüefe ond mini Gaschtschwöschter esch uf mech zuezrenne cho :) de erschti momänt woni mini Gastfamilie atroffe ha! Si hend mi mega härzig empfange, d gaschtschwöschter esch uf mech zuez'sechkle cho ond hed mi omarmt ond ech ha mi vo afang ah super wohl gfühlt.
I de Feriewoche z Branson hemmer vöu spannendi Sache erläbt ond vöu Spass gha ond nach par Täg semmer denne nach Tulsa gfahre zunere Kollegin vo de Familie ond hend dete zwöimol öbernachtet ond de Wyatt, mine Gaschtbrüeder is College brocht ;D (27 stond autofahrstonde entfärnt..)
Am 12. August semmer denn äntlech uf Californie gfloge ond ech ha chönne i mine ruuhm izieh :D
Mer hend e witeri Woche Ferie gha ond i dere Woche hani vell Organisatorischs ondernoh (schuel ond all das züg) ond afo Tennis spele!
A mim Gebortstag semmer uf San Louis Obispo go schoppe :D
Am 22. August esch mine erschti Schueltag gsi a de Atascadero Highschool. Ech be meega froh gsi dasi d Miranda, mini Gaschtschwöschter met mer gha hand, das hed das ganze vell vell eifacher gmacht ond ech ha ke Minute elleige verbrocht. (Ned wie mers sech so vorstellt förne Ustuschschüeler am erschte Schueltag ;))
Mini Schuelfächer send; Us History, Life Fitness, Algebra 2, Primarschool Sport Teaching, Photography, Anatomy and English ;)
Jajaja.. Schule Schule Schule Training Training Training… everyday the same :D
Eines Tages hed mis Hostmami es Telefon vo mim Councellor öbercho, das en anderi Ustuschschüelerin us minere Schuel drengend för zwe woche en öbergangsfamilie brucht well ehri gaschtfamilie schlächt segi... daas heds dezue brocht das d Kajsa vo Schwede bi eus izoge esch, ursprönglech nome för zwe Woche aber denn hemmer entschede das mer si gar nömme wend wäg gä also blibt si jetz met eus s ganze Johr. Ech do en Ruum met ehre teile ond mer drü teenies hend mega vöu spass zäme :D
Ech be natürlech scho anes paarne footballgames gsi.. das esch emmer öppis spannends ;)
Mer send go jeepe i de Californische Bärge…
Mega mega mega vell Spass!
Jajaja.. so esch chli mis Läbe do z Californie
