Fotografie

Fotografie esch mini lieblingsklass done. Mer chönd zemmlech frei schaffe met photoshop ond möched verschednigi projekt. Vor allem sett ech mini neui Kamera han macht mer das mega Spass & ech lehre wie met Photoshop om z go. :)
I love it!

doctor

Am dunschtig bini bim dokter gsi mini chnü go abkläre zum sichermache das s renne mine chnü ned schadet. Ech han müesse Röntge aber met de Chnoche esch alles in Ornig.
Allerdings hed de Dokter folgendi Diagnosis festgstellt: Patellofemoral syndrome? Weiss au ned gnau was das jetz heisst aber öppis i mim Chnü met em gewäbe esch chli verschobe ond drom setti jetz physio therapie mache...

Aber Renne chani witerhin ohni dases ergendwie schlächter werd, heds emu gheisse :)

Ech han au no neui Joggingschueh kauft ond dezue sogar no e jogging uhr met me super guete discount öbercho - etz beni auso vollgas ready! :)

gotta love having breakfastparties

On days when Kajsa and I just don't have any motivation for school, like really none! (that actually happened pretty often the last few days...) we make royal breakfast and just enjoy the morning, before we have to go to school. We read different blogs, we talk, or we just daydream.
This morning we made baked oatmeal (recipe here) and swedish coffe cappuchino. It was delicious! and believe me, it really helped me to start in this long aweful day... I'm so glad I have an other exchangestudent living with me!

catalina Island

Am Samschtig hani öppis mega mega mega speziell coools chönne erläbe.

Am Obig bevor send mis Gastmami, d Miranda, d Kajsa, eusi Cousine ond Cousin ond Tante ond Onkel metem Wohnmobil alli zäme uf LA abegfahre ond hend det imne Hafeparkplatz parkiert ond im Wohnmobil öbernachtet. Am nögschte Morge hed am 6i de Wecker glüted ond mer send alli ufgstande. - Wösseder no woni en Post gmacht han dröber dass ech ben en Katamoran go aluege? - Genau met dem Katamoran hemmer das Wochenänd döffe go sägle. Also am Morgefrüeh semmer i Hafe ond ufs Boot ond hend dete Pancakes gässe. Währenddem hend sech alli parat gmacht zom lossägle ond mer send usem Hafe usegfahre.

Mer hend chönne gse wie d Sonne langsam uftaucht esch! So wonderschön gsi!

D Besetzer vo dem Boot send e Familie met sächs chend im Alter vo 6mönet bis 13ni. Stelled euch mol vor wie das zue ond här god uf eim Boot omrandet vo Wasser met all dene chline chend... Aber die Eltere vo dene Chend send so gelasseni zwöi Monsche ond die hend glich alles völlig onter Kontrolle. Uf dem Beld esch d Innocence (haha die Näme vo dene Chend send onglaublech...) sie esch mini liebschti gsi ond mer hends cheibe guet zäme gha.. sone offnigi härzigi chlini Muus, hed mi voll a de Leon erenneret...

Do gseht mer d Vordersite vom Boot...

Leider hend si s rechtige Sägel nonig am Boot, aber met dem 'Frontsail' hemmer ab ond zue tatsächlech chli chönne "sägle" wobi mer hauptsächlech gmotored send de ganzi Tag..

Wöu mer halt alli ned so vell gschlofe hend i de Nacht semmer mega müed gsi, aber zom Glöck heds jo es schöns Plätzli vör eus gha zom es chlises Schlöfeli halte, grad öberem Wasser.. ned schlächt!

Obwohls halt es wiili gange esch bis mer bi de Insle acho send, langwilig esches wörkli nie gsi, obe gseht mer de Stetson ond d Vitality am fesche ond onde gseht mer mech uf eusem Ritiseili womer chan quer öber s Scheff ond öber d Kante use gigigampfe ;)

Ond Tatsächlech semmer sogar no zmetzt ine Schwarm vo tusige vo Delphine gfahre ond die send werklech ned meh als ein Meter vo eusne Gsechter entfährnt gsi. Es esch so onglaublech gsi wie die eifach so vell Spass dra gha hend vor eusem Boot här z schwömme.. wörklech so cool gsi! Touriste zahlend unmänge a Gäld zom go Delphine aluege ond gsehnd denne velecht öppe drü vo ganz wit wäg ond mer hend das grosse Glöck gha das wörklech tuusigi vo Delphine eifach om eus ome tanzed.. mer hed gar ned gwösst wo luege, s send so vell gsi :D

So om die 12i ome hemmer denne g'ankered binere Insle ond send metem Motorbötli a Beach änegfahre. Hed wörkli usgseh wie im Felm dete! Leider Leider hani mini Kamera ned chönne met uf d Insle näh wöui ned han welle das si nass werd, aber s esch eifach bombastisch gsi wörkli.. so schön ;)

Ofem Wäg zrog hemmer denn no en Lasagne gässe ond send de bim Idonkle weder im Hafe itroffe. Ech be emmerno fasziniert devo was ech alles han chönne erläbe a dem Tag werklech...

Danke förs verbiluege! xoxo

track & field

Hei mini Frönde!
Am letschte Dsischtig hani agfange mit Track & Field. Es hed verschednigi Kategorie, aber ech mache Long Distance Running - 1 Mile wahrschinnli...
S Training macht vou vell Spass, well s send öppe 130 Persone wo das Johr Track & Field möched ond Jungs ond Meitschis send gmescht.. fendi no easy. Allerdengs esches no asträngend jede Tag nach de Schuel go im zueg omerenne.. drom beni halt ame rächt müed weni hei chome. Aber das dod eim jo guet oder?
Mer gods do in Californie emmerno zemmlech guet, d Schuel schisst mi zwar mängisch chli ah, vor allem well mer halt jede 2. Tag weder de glichi Stondeplan hend ond das werd de haut ame chli langwilig.. drom freui mi halt scho weder uf d Schuel i de Schwiz - allerdengs esches det vell vell straenger.. hihi. Am Wochenänd hani d Möglichkeit zom go segle, metmene risige Katamoran ond uf ne verlasseni Insle! Hoffentlich isch s Wetter guet :)
Ond i 46 Täg gsehni denn scho S Mami ond de Dady ond de Nils, wenn si mech do chömid cho bsueche. Mer wärdid uf ne Tour go dur ganz Californie, metem Wohnmobil - ech freue mech soooooooooo fescht. Ond denne noch dem 2wochetrip gangi denne au no met de Gastfamilie id Ferie - Also insgesamt beni denne fascht 4 Woche i de Ferie, ned schlecht oder? :)
So, jetz lütet denne grad d Schuelglogge ond ech mues go. Ech hocke grad i Fotographie ond han nüt z tue.. :)

xoxo

santa barbara!!!

Äntlech han ech mal chönne uf Santa Barbara id Stadt go shoppe!
D kathy, eusi EF zueständigi hed 12 ustusch-schüeler chönne met uf Santa Barbara abe näh. Am morge am achti hed eus d Yvonne ufem Wäg id Chele im Starbucks z San Luis Obispo abglade ond d Kajsa ond Ech hend dete es Teeli tronke wâhrenddem mer uf d Kathy gwarted hend wo eus det abgholt hed.

.. playing with my camera while waiting in Starbucks

Metmene volle mini Van hemmer eus uf de Wäg nach Santa Barbara gmacht. D Busfahrt esch verständlecherwiis sehr amüsant gsi met eus 12 gööfis :)
D Stadt Santa Barbara hed mer also sehr gfalle, mer hend eus hauptsächlech i einere Stross ufghalte wo eigentli alli Läde send. Zmettag gässe hemmer imme Hawaii-Grill Restaurant ond ech han mer en Island Burger bstellt - esch mega fein gsi. Nachem Zmettag han ech mech no met mim schwizer Kolleg, em Luc troffe, wo sis Istuschjohr in Santa Barbara macht ond mer hend es chlises Schwätzli ghalte.. Esch natürlech au mega fredlech gsi.

Auso ech fend d Stadt Santa Barbara mega cool! Abgseh devo dasses halt vell Touriste ond Obdachlosi hed esch alles vou schön, fendi. S hed sogar mehreri Kinos i dere einzelne Strass ond die gsänd us wie usem Felm & wennd verbi laufsch, schmöcksch die feine Popcorn :) Hoffentli chani s ergendeinisch au no de Beach go aluege, well dasmol semmer halt nome id Stadt.
Danke förs verbiluege!

Leider leider leider hani mini Kamera im Autto vergässe ond drom ke Fötteli vo dem chline Trip osser die zwöi.. So schad!

samstag KAFFEETAG

Nach dem ech am Fritig de ganzi Tag deheime ghocked ben wöui ned so fit gsi ben, hend d Kajsa ond ech am Samschtignachmittag dänkt mer müend chli ad Luft use. Mir sind gloffe i eusere Stadt, bis mer 'downtown' gsi sind und dete hemmer denn inere härzige bäckerei en erdbeeristrudel ond en cupcake kauft wommer denne zäme teiled hend. Es esch en mega schöne Tag gsi, also gar ned wenterlech. Ech liebes eifach metere Kollegin ines Kafi z hocke ond chli pläuderle! D schwiz hed eifach zwenig so ned allzutüri kafi's! Ech tagträume emmer e chli devo, mol mis eigete Kafi z eröffne weni älter ben...
Natürlech hemmer au no chli mini Kamera usprobiert & es paar Schnappschössli gmacht :) Es sötti zwar düfschte Wenter si aber do fühlts sech a wie schwizerische Früehlig, muesi aso säge. S wonderet mi jo wie warm das denne de früehlig, respektiv Sommer werd! huiuiuiuiuiui
xoxo

Starbucks name..??

When you go to Starbucks, you tell them your name so they can tell you when your drink is ready.
So now after a few times going there, I have figured out that they don't know how to spell my name when i say it the french way ;) there was always something completely wrong on my cup (joule, tshouel etc.). All that brought me to the idea that I should have a Starbucks name! Haha and because i like the Name Emily really good, I just chose this one.
Isn't that cool to have a Starbucks name? You can just choose which name you like the best! Haha

So on monday, I went to Starbucks with Shelby & Kajsa and after I finally figured out what I wanted, he asked me for my name. I was about to say "Joelle" but then I realized that I should use my Starbucks name... Haha.. So the worker there cracked up and asked me why I did that, and if I don't want him to know my name ;) but then I told him that whole story and he thought it was really funny so he just wrote both my names..
.. I think everyone should try that at least one time in their life when you introduce yourself, just to pretend like you're someone completely different and make some random stuff up :) IT'S FUN!

xoxo

Winterformal!! ❅

De Tag vo Winterformal isch au schowider verbii... De ganzi Samschtig isch nume drum gange, eus für de Ball am Abig vorbereite. D Yvonne isch zu eus cho mit Sandwich als Zmittag. Alli zäme hemmer zmittag gässe und denne isch au scho d Tante Sherry cho. Mir hend eusi Nägel gmacht, was bi mer unglaublich lang brucht hed und denne mini Haar, wo sogar no länger brucht hed.. die cheibe wend eifach ned Lockig si! ;( Denne natürli au no Make up und ichleide. Wummer alli äntlich parat gsi sind isch de Gastschwöschter ihre Fründ zu eus cho und mir hend alli zäme es paar Fötteli gmacht. Nach dem sind ich und d Kajsa zu de Janay hei und hend dete nomal Fötteli gmacht mit ihre und de Sierra und em Jonathan. (Viel Fötteli! ;))

De Jonathan und d Sierra sind seperat go Znachtässe und ich und d Kajsa hend denne eifach bi de Janay deheime gässe. Ihri Eltere hend fur eus kochet und mir hend es schöns Znacht vorbereited. S isch mega fein gsi und mir hends also voll gmüetlich gha. Koched hend si pasta alfredo und en mega feinem Salat.

So um die achti hemmer eus denne uf de Wäg gmacht nach Paso, wo de Ball stattgfunde hed. Es isch mega komisch gsi, alli Schüeler so ufdressd z gse! D Halle isch mega schön dekoriert gsi ond s Thema das Johr esch gsi Alice im Wonderland. Es hed es Minigolfegge, en Felmegge, en Ässegge en Fottiegge, en Setzegge, en Teepartyegge ond notürlech en risigi Tanzflächi gha.

 Ech ben werklech öberrascht gsi wie guet eusi Leadershipgroppe das alles organisiert hed. Idrocksvoll! Mer send natürlech hauptsächlech uf de Tanzflächi gsi met es paar chline Abstächer i Fotti ond i Drenkegge ;) Wasser do in Amerika natürlech... :) D Musig esch ab ond zue chli komisch gsi, muessi also säge so einzelni Slowdance Songs ond so aber im grosse ond ganze esch d Musig in ornig gsi ond mer hend chönne abdance! Met de Zit hani allerdengs mini High Heels abzoge well omegompe i Highheels esch also ned grad s bequemschte Deng wueni je gmacht han! Am 11:45 esch den das Fäscht aber au scho fertig gsi ond de Janay eres Mami hed eus abgholt.

Ech muess also säge förne Schuelalass hani das schono meeeega cool gfonde ;) sötts öfters mol gä. Ond de Kolleg hed mer ou verzellt das denne Prom sogar no vell besser werd - allerdengs sett mer dete es date haa.. hihi

hiking!

Gester simmer mit de Janay und ihrem Papi nach de Schuel uf ne Hügel ufegwandered. Ihre Papi hed eus nach de Schuel abgholt und de simmer schnell zu ihre hei go Umzieh und denne uf San louis gfahre mitem Auto. Döt simmer denn zum Fuess vomne grosse Hügel änegfahre und sind det parkiert und losgloffe. Obwohl mir im Schnelltempo de Hügel deruf kräsmed sind heds öppe einehalb Stunde brucht bis mer denne zoberscht acho sind. Mängisch hani s Gfühl gha dasi jetz denne grad ahalte und a Bode hocke wills halt schono mega sträng gsi isch so steil deruf. Aber schlussändlich wu mir zoberscht acho sind hani also dänkt es hed sech scho prutal glohnt! Mir hend en bombastischi Ussicht gha über ganz San Luis Obispo und über s Meer (das hemmer allerdings ned wükli gse wills mit Näbel überdeckt gsi isch.) Am Beach da i de Westküste heds leider öfters mal Näbel, wennd nöd de richtig Zitpunkt verwütschisch. Aber trotzdem, es hed sich also glohnt mini Kamera de ganzi Wäg ufe z schleppe will mir hend würkli über alles inegseh. De Janay ihre Vater hed eus au zeigt wie die siebe alte Vulkän alli inere Linie dür ganz San Louis Obispo düregönd. Ich bin also völlig fasziniert gsi, was mer alles gseh hed.

De Zruggwäg isch natürli öppe drü mal so schnäll gange und mir hend sogar no es wilds chlises härzigs Häsli atroffe ;)