D täg verflüged ond jede tag fühlt sech scho normal ah done.. ufwache, schuel, lunch, schuel, training, ässe, husi ond schlofe. ech ha s gfühl ech läbe grad inere langwilige phase wo alles emmer glich ablauft. Ech freue mech mega uf Halloween, mini Gastcousine macht en Halloweenparty am Mettwoch obig ond det fröii mi mega druf :D
Am Sonntig semmer ad EF-Halloweenparty, wo aber ned e so werklech cool gsi esch well ned so vell lüt cho send - aber mer hends glich loschtig gha.
D schuel esch emmerno easy, ech ha gwächslet vomne Junior (5.Klässler) zomne Senior (6.Klässler) so dass ech chan graduiere. :D Eech han nome ei Klass mösse wächsle, ond zwar vo US. History (wasi öberhaupt ned gärn gha han) zo Politik Sience, (was vellecht chli kompliziert werd ;))
Tennissaison esch verbii ond die woche dueni avo fuessball spele, weiss aber nonig öbig gange go spele s ganze semester, wöu mini chnü hend das ned so gärn ;) vellecht luegi eifach öbi chan es stats-girl si, de chani glich metem team zäme sii aber ned fuessball spele :D
S wätter do äne esch emmerno mega warm, höt hemmer weder 30 grad gha.. wär aso langsam ready för d herbschtfashion :D
Ond ech mos aso säge ech vermesse mini familie ond frönde scho rächt fescht, ech wönschti er wäred alli ou do met mer :D ! <3
Mini Gastfamilie hani emmerno mega gärn, mängisch hani s Gfühl si send chli oberflächlechdänkend ond mängisch beni au ned ganz iverstande met ehrne religiöse glaube aber mer hends meega guet zäme ond ech fühl mi zemmli wohl. Ech be au voll froh dasi es ‚dubbleplacement‘ han met de Kajsa us Schwede, well s duet emmer guet met ehre z rede well sie halt eifach die gliche sechte hed ond i de gliche situation esch :D
Ech be au langsam chli am usefende met wellne lüt ech i de schuel werkli wett befröndet sii ond weli ned so werklech das rechtige send. :D aber mus säge es hed vell cooli lüt ome =D
Letscht Samschitg esch d Sofie, vo Italie zu eus cho öbernachte ond mer send metem Pyama is Kino, esch mega coolo gsi :D
Yvonne der Engel: mer hend en kollegin (en erwachsnigi Frau) done wo mer eifach nome chan säge sie esch en ängel. Sie hed ned werklech vell Frönde oder Familie ond drom liebts sies met öis öbbis z mache ond chond met eus id chele oder esst ame done znacht oder god met eus go schoppe, sie schänkt eus die ganzi zit sache well si en chlini schoppaholikerin esch :D si esch eifach sooooo en liebi ond positivi frau :D ha sii mega gärn ;) glaubed gar ned – met ehre hed mer jede tag wiehnachte! =)
Jaja.. mos mol a mini Husufgabe ! danke förs läse! Vermesse euch!