back to school...

hey! ändlich hani wiedermal zit zum en chline Blogpost z schribe. D Schuel hed wider agfange und de Alltag demet au. Am Mäntig hemmer zom Glöck frei gha, drom esch die Woche ned ganz e so schlemm gsi. Am Mettwoch hed s Fuessballteam es Oswärtsspeli gha, ond ech be natürlech metgange zom Statistik schribe. D Busfahrte send zwar emmer loschtig aber s blöde esch gsi das ech ned so werkli öberleid han ond nome en dönni Jagge brocht han. Ond es esch iiiiischalt gsi in Arroyo Grande, ond zu allem ääne hemmer sogar mösse währendem JV-speli warte, de semmer praktisch de ganzi obig det gsi. Aber ufem Heiwäg semmer deför im In n Out go Burger ässe, so fein! hihi...
Am Fritig hemmer es heim game gha, aber dasmou beni vorbereited gsi met Jagge ond Händsche. Nocher beni no met de Sofie as Basketballgame, s hed allerdengs ned so vöu fans dete gha - esch aber glich loschtig gsi :)
D Sofie hed de bi eus gschlofe ond mer hend no en Föum gluegt met de Miranda ond ehrem Frönd. D Schwedin esch allerdengs z Hawaii för die nögscht woche, met all mine andere Ustuschschüelerkollege. :( :( ech wönschti ech wär au gange - aber mer chan ned alles ha, gälled si.
Am Samschtigmorge semmer uf San Luis Obispo i forever 21 go schoppe, wells dete super gueti sales gha hed das Wochenänd im Usverchauf.  Ich han mir Schueh, es Tischi, es Chleidli ond Shorts, alles zäme nur für 28 Franke poschted - so chönnts doch immer si, ned?
Am Samschtig obig beni extra deheime blobe wöu jo nor ech ond d Miranda dehei gsi send das Wochenänd, aber schlossändlech esch denn ehre Frönd dohi cho ond ech ha ned werkli loscht gha s drette rad am velo ( :P ) z spele, drom hani denn eifach chli i mim Zemmerli Sache erlediged ond no metem Kolleg gskyped wo au im Ustuschjohr esch. Esch emmer weder schön, so chli Erfahrige us z tusche.
Dä Sonntig esch halt wedermol so en typische Sonntig gsi! Usschlofe (halbwägs) zmörgele gmüetlech ond denne chli skype ond färnsehluege. :) Ech glaub Sonntig esch mine Lieblingstag, allerdengs hani ned gärn Sonntig öbig, wöu denn mosi emmer dra dänke dass am Mäntig d Schuel weder afod.. hihi
xo xo