Ech ha schöne heilige Obig gha met minere Gastfamilie. Mer hend alli zäme Znacht gässe ond denne Gschänkli uspackt. Vode Gasteltere hani es paar boots öbercho, vo de Miranda es Konschtwärk ond vo de Kajsa en Jupe ond en Armreife ond vom Wyatt es Teetasseset. Es esch mega schön gsi ond mer hend e schöni Beschärig gha. D Brenda hed mega freud gha a da Meschschössle ond au alli anderne hend freud gha a ehrne geschänklis. Nochem Gschänkliuspacke hemmer agfange vorbereite för alli Lüt wo am nögschte Tag i euses Hus cho send. Mer hend mösse Möbel ometräge ond Tesch ufstelle.
De 25. esch au en coole Tag gsi. Die ganzi Bullard Family esch zu eus cho am nüni am Morge ond mer hend zäme Zmorge gässe. Nochem Zmorge hed jede sins 'Stocking' chönne lääre ond denne hemmer Gschänkli ustuscht. Wöu die Familie so gross esch hemmer bevor Wiehnachte alli es Zäddeli zoge metere andere Person droffe, ond denne eifach dere Person es Gschänkli gmacht. Ech ha d Jessica gha ond ehre en Schaal gmacht, es jäggli dezue kauft ond en schöne Schlössuahänger met alles Steine dra.
Alli Jungs hend schinbar das Jahr es grosses Thema gfonde: Waffene. Alli hend enand Gwehr gschänkt ond mini Tante hed vo ehrem Maa e chline Revolver öbercho, s gliche met minre Cousine... zemmlech s Gfühl gsi för mech als en Europäer, aber schinbar völlig normal för ehn Amerikaner.
Zom Znacht heds weder es grosses Meal gää ond feins Dessert, denne hemmer alli zäme en Föum gluegt
 |
| Stocking |
 |
| Hostdad am Gschänkli ufmache |
 |
| Wiehnachtsliechter? :) |
 |
| Bullard Family spending time together |
Dä Tag hani vou coolo gfonde, vorauem well all die Cousin ond Cousine im gliche Alter send hemmer vöu Spass zäme gha.
Keine Kommentare:
Kommentar veröffentlichen