Los Angeles :)

Die letschti woche hani agfange im fuessball d statistik ufschribe, well ech äbe wäg mine chnü ned chan spele ond aber glich chli imne team wett si :) ond osserdem die meischte vo mine kolleginne speled fuessball, de trefft sech das alles zäme prima! Drom gangi jetz zwöi mol i de woche anes game go d statistik ufschribe, ond s gfallt mer vou, vorauem d busdahrt esch emmer loschtig.

Osserdem hend d kajsa ond ech das wochenänd agfange met is fitness z goh ond chli spörtle - ond das dod so guet, mer hend usegfonde wiso mer i letschter zit emmer so schlächti luhne gha hend! S esch wöu mer nie gspörtled hend - das macht eim imfau es vell glöcklechers gfühl wemmer weiss das mer chli öppis gmacht hed :)

Am fritig send d miranda, ere frönd, d kajsa ond ech uf San Luis Obispo go e wiehnachtsparade luege - allerdengs hemmer alli chli z vöu erwarted ond s esch aso ned so spektakulär gsi.. Aber mer hend glich voll spass gha ;) nocher hed eus de miranda ere frönd zu de Ingrid vo Norwege, wo bi de Kathy, mim IEC wohnt brocht ond eus det abglade. Wöu am Samstig semmer met dene uf LA go shoppe ine risigi mall - wienes paradies!! Am morge früeh hemmer eus mösse usem bett kämpfe ond send zersch mol 4h autogfahre. Zom glöck hed si sones bequems Auto! ;) wo mer acho send hemmers chum ned chönne glaube was för cooli Läde dases i dere mall gha hed! Öberwäutigend eschs aso gsi! Allerdengs semmer am verhongere gsi ond hend zersch mol imne härzige restaurant gässe namens 'paris baguette' esch brutal fein gsi :) 

Noch dem ganze Tag idem riesige Shoppingparadies hemmer eus völlig erschöpft ufe heiwäg gmacht ond no bimne mexikanische restaurant öppis inegmampft :)