school.. 😁

S Schuelsystem do z amerika esch ehrlechgseit echli komisch. Zerscht emou chasch dini Fächer wähle, du muesch eifach gwössi fächer gno ha bevor du d High School abschluessisch. Ond denn hesch du sebe oder acht Klasse wo denne uf zwe Täg verteilt wärde. Die zwe verschednige Täg dönd de jede Tag abwächsle - was mech mega närft wöu es werd langsam langwilig, jede zweiti Tag emmer weder s gliche z ha. Was mer allerdengs gfaut, au wenns mech ned mega böudet, esch das mer nome bis am 2  oder 3 am nami schuel hed ond denne training. Fendi rächt easy im Gegesatz zu deheime woni mängisch bis am haubi 5i i de schuel hocke ond denne no training han nochhär.

S Notesystem do esch au ganz andersch ond zemmlech easy zom guet si i de schuel, well du muesch eigentlech vorallem dini Husufgabe erledige zom Pönkt öbercho ond denn de Tescht esch schlossändlech nome d helfti vo de Pönkt, drom wenn du dini Husi machsch esches gar ned so schlemm wenn de Tescht versausch wenn dini husi gmacht hesch - fändi no cool wenn das i de schwiz so wär, de wäri wahrschinnli vöu besser i de schuel ;)

Jo.. das esch chli wie d Schuel do ablouft. Ah ond haha wasi au no mos erwähne - a minre schuel heds sooooooo vell komischi luet! well es esch ned wie s Gymnasium ond d Sekundarschuele kategorisiert, eifach alli, au die komischte ond handycappierte luet gönd eifach alli i die glich schuel - drom chas si dasses haut luet hed wo komplett andersch send als du ond metem pyama id schuel chömed oder nome öber star wars reded.... :)