Am nögschte Morge esch Muettertag gsi ond mer send met de ganze Familie u fein go Zmörgele im CoCo's ond denne met de Jeeps uf Morro Bay an Beach. Es esch en perfeckte Tag gsi met mega schönem Wätter!
En witeri Schuelwoche hed agfange am Mäntig ond nach de Schuel beni met de Kajsa is Fitness go bike, renne ond denn schwömme :)
Nach de Schuel am Dsischtig semmer zu üsne (Gascht)cousine hei ond d Kajsa hed Highlights i ehri Hoor gmacht, während dem ech uf si gwarted han. Nochdem semmer met ihne is Kino go "The great gatsby" luege. Ech ha gfonde s sög en mega guete Film gsi, anderi Lüt wo s Buech gläse hend send aber chli enttüscht gsi...
Am Mettwoch esch s Track Banquet gsi i de Schuel. Sehr spannend esch s ned gsi, well mer send öppw 150 Lüt im Team ond zo jedem einzelne hends öppis gseid.. aber jo, emmerhin hesch während dem chli chönne met de Kollege schwätze ;) ech vermesse s Track Training halt scho rächt..
Am Donnschtig send d Kajsa ond ech metem Gregory ond em Isak, zwe Kollege vo de Schuel, go Shoppe för sie zwöi, för Prom ond denne semmer no a Farmers Market in San Luis Obispo - eis vo mini Lieblings Sache zom onternäh, do in Kalifornie. De Farmers Market esch downtown in Slo ond es hed emmer mega vell Lüt ond vell Ständ, wo Lüt fröschi Fröcht, Gmües ond anderi Sache verkaufed, es hed ou vell Ständ wo'd chasch go ässe ome.. ond wells es grosses College in San Luis Obispo hed, heds ou emmer vell Lüt i eusem alter ond älter ome :) scharfi College-Jungs ;))
Am Fritig hemmer en Öberraschigsgeboriparty för mis Gastmami gha, bi de Yvonne deheime. Mer hend eus alli müesse sehr elegant alegge, drom hani eifach mis Chelidli vom Winter Formal nomol agleit. Esch en guete Obig gsi ond mer hend veeeeeeeeeeeeeel Food vorbereited ;)
 |
| breakfast at coco's |
 |
| brenda's birthday party |
 |
| at the wedding |
Keine Kommentare:
Kommentar veröffentlichen