my family is here!

Nachdem ich stundelang in San Luis Obispo uf mini familie gwarted han, sind si am achti am abig äntlich da acho. Und ich han ihne äntlich wider e mal id Arme chönne springe. S isch es u schöns Gfühl gsi! Und au wenn ich si sit acht Mönet nümme gseh han heds sich ned mal nach 1minute wider so agfühlt, wie mir immer binenand gsi wäred.

Chli usserhalb vo San Luis Obispo hend si chönne nöimed schnäll ahalte und mich begrüesse. Vo det us hemmer denn en Parkplatz gsuecht, was no rächt schwär gsi isch mit em grosse Wohnmobil i dem chline Städtli. Aber mir hend denn en guete Platz chli bi de Wohnhüser amne Strössli gfonde und sind vo det us id Stadt gloffe is Chipotle, en mexican Grill, zum döt Znacht ässe. Es hed sich so guet agfühlt, wider emal mit minere Familie am Tisch z hocke und mir hend natürlich au gnueg z verzelle gha. Nach dem feine Znacht simmer dänn nochli im Städtli umegloffe und denn zum Hus in Atascadero gfahre, wo ich das Jahr läbe. Döt hemmer parkiert ufem grosse Platz und sind denn au scho go schlafe, will alli vo minere Gastfamilie sowiso scho lang im Bett gsi sind.