cambria

Hallo mini Frönde ;) äntlech hani mol en chline Momänt gfonde zom dä Itrag z schribe ond es paar fötteli ufelade. Scho setem Samschtig hani welle öber dä Tag schribe ;)

Ech ben met de Brenda, de Yvonne, de Kajsa ond de Miranda am Samschtig in Cambria go Seeelefante aluege ond denne nöimet wo d Kliffe bis as Meer äne chömed, uf es chlises Abentür gange.

Die cheibe Seeelefante send so die gröbschte Heenger! Alli legged eifach nome am Strand ome ond dönd dete sönnele ond ab ond zue chli Sand öber sech säuber rüüehre. Ond vellech öppe einisch am Tag möched si sech d Müeh zom as Wasser abegoh ond de brucheds aber öppe drü zwöschestops i dene 10 meter. Mer hend eus werklech sehr amüsiert, dene Denger zue z luege ;) So fuulänzer - vou amerikanisch!

Noch dem mer chli dene fuulänzer zueglueget hend semmer nomol öppe 5 minute a de Köschte nochegfahre ond send denne a dem schöne plätzli glandet. Det semmer denne öppe 20 Minute lang steil de Hoger derab gstege ond send ane chline Beach äne, wo d Kliffe wie gseit grad bis as Wasser häre chond. Es hed wörklech mega mega mega cool ond schön usgseh! Ond praktisch niemer louft det abe wells halt äbe schono rächt steil esch, bruchsch gueti Schueh! ;) Det onde hemmer denne es par Fötteli gmacht ond denne semmer au scho bald weder Hoger ufwärts gange, im härzige chline Restaurant wos dete gha hed go Zmettag ässe. Ech ha mega feini Pasta met Chicken gha ond mer hend es gmüetlechs Ässe gha met super Usbleck ufs Meer. Do a de Westköschte esches halt scho wonderschön! Ech ben eifach so zfrede met mim Platz won ech glanded ben för das Jöhrli ond ech weiss ech werde es paar mal do cho ferie mache ;)