EF Farewell party

Gester Abig isch d Farewell Party vo eusere EF Gruppe (-Big Mama's Group) gsi. Mir sind alli zu enere Frau iglade gsi, in San Luis Obispot. Dete hemmer denn Hamburger vom BBQ serviert becho und mir hend alli chli chönne zäme schwätze. Gäge de Schluss sind mir denne alli einzeln ufgruefe worde und mir hend müesse en chlini Sprach halte und denne hemmer es Zertifikat übercho. Alli hend en sehr hirissendi Sprach ghalte dass es mich grad chli in en verwirrti Situation ine bracht hed und ich han realisiert was da eigentlich alles grad so abgahd. Ich han realisiert was für geniali Mönsche ich da kenneglehrt han und dass ich mich vo all dene scho so gli muess verabschide. Ich han realisiert was für unabartig spezielli Momänt ich da han döffe erläbe und wie komisch das wird si, eifach mine ganzi Alltag da hinder mir z la und wider i mis alte Läbe i z stige. Ich han drüber nachedänkt, was fürnes riisigs Glück ich gha han mit minere Gastfamilie, mim Wohnort, minere Schuel und mim IEC (Coordinator),... Mir sind würklich soooo vill Gedanke alli uf einisch düre Chopf und grad i dem Momänt bin ich ufgruefe worde zum mini Sprach z halte. Allerdings isch mir das ned so guet glunge, will ich zmitzt i mine Gedanke verschwumme gsi bin - drum, alles won ich use bracht gha han isch gsi; I've been living with the Bullards this year, all the time. And it's just been a really really really really really (Ich has würkli sovil mal öppe gseit) great year and i'm really really really really really really gonna miss it. And ehm.. what else? - Haha es isch zimmlich peinlich gsi aber ich han würkli grad nöd irgendwelchi Wort gha i dem Momänt, zum irgendöppis rächts äne z bringe.. haha janu - immerhin hani nöd öppis gseit wo alli andere scho sibe mal verzellt hend ;)

A dem Abig hend mer üs müesse vo de erschte paar Persone verabschide, wo d USA scho das Wuchenänd verlönd. S isch so komisch gsi - Tschüss z säge zu Fründe wo du erscht grad no könneglehrt hesch, wo aber glich so tüüf i dim Härzli send well du so vill wunderschöni Momänt mit ihne erläbt hesch. Aber ich bi mir eifach so sicher - dass ich vill vo dene Mönsche won ich da könneglehrt han, irgendeinisch wider wird gse, will ich wirde i de Wält umereise und alli go psueche! Pasta!

We'll miss you pago :(

weekend

Nachdem mir i de Kajsa ihre Geburi chli gfiired hend, hend d Kajsa und ich bi de Janay übernachtet.
Am nögschte Morge simmer alli zäme chli in Whirpool ghocked und sind denne uf Arroyo Grande, as Strawberry festival. Es isch no rächt cool gsi, allerdings heds mir chli z vill Lüt ume gha, für d Umständ dass ich so müed gsi bin ;) Imne Kafi hemmer eus alli no  en chline Ufwecker bstellt und mitere riisige Box voll Erdbeeri simmer denn nöimed ane ghocked, will mir z müed gsi sind zum im Züg ume z laufe.
A dem Abig hemmer nüd grosses gmacht - Also mir hend eigentli grossi Plän gha, will eusi Familie ebe is Feriehüttli i de Bärge verreist isch und mir hend ihne verzellt das mir s ganze Wuchenänd wärdid bi de Janay blibed, was mir allerdings ned würkli vor gha hend - drum simmer am Samschtig nachem Strawberry festival wider hei - i euses Hus, will döt niemert deheime gsi isch.
Es paar Kollege wäred denne zu eus hei cho - (wemmer da wönd ehrlich si..!) Allerdings isch de Plan denn völlig id Hose wo eusi Gastfamilie plötzlich überraschenderwis am Samschtig Abig am 10, churz bevor eusi Kollege uftaucht sind, heicho sind! Mir hend natürlich en super Usred gfunde, s isch allerdings u mega knapp gsi.. haha

Am Sunntig simmer mit es paar Kollege vo de Schuel ufne chline Usflug in Montana de Oro, en megaschöne Ort met wonderschöne Kliffe ond Beach. Es esch mega schön gsi, all die Kliffene hend mer mega gfalle! A eim Ort semmer de Högu deruf gsecklet, was zemmlech asträngend gsi esch, muessi also säge - aber deför hemmer denne uf de andere Site chönne en Sand Düne derab renne, ond das isch soooooooones guets Gfühl gsi! Well s esch u mega steil, aber de Bode esch no rächt weich, drom chasch vougas schnäll go ond wennd wördsch omgheie machts nüt. Am Ändi vo dem Hügel isch denne grad de Beach, ond du chönntsch eigentli grad is Wasser ine renne.

Am Abig simmer mit dere Gruppe no go Tacos ässe, in Atascadero.

Brynne and Nick, twerking ;) en Trend wo da grad voll  IN isch ;)

D Bryna, de Nick, d Kajsa und Ich

Am Sand Düne derab renne..

What a wonderful day!!

Flight Ticket

I got my flight ticket today... this scares me a little bit.. time is flying by! :(

VW bus

Mini kollegin, d janay, hed mis lieblingsauto! En VW bus :) Ech liebs met ere eifach chli im Züg ome z fahre ond im Büsli z höckle :))

happy birthday to my swedish sister

Am Fritig isch i de Kajsa ihre 18 Geburtstag gsi... En grossi Sach in Europa, aber do ändered sich mitem 18. Geburtstag leider au ned z vill. Ussert das mer chan Zigarre und Lottoticket chaufe.
Am Morge han ich ihre Zmorge bracht und mir hend zäme i eusem Ruum French Toast gässe, will schüsch niemert anderscht deheime gsi isch.
So gäg de Mittag simmer mit all de Girls i eusere Familie und eusne Cousine go Zmittag ässe imne so genannte Tee Huus. Das Tee Huus isch so es Beizli isch u herzig gsi, alles im Brittishe akzänt und mit super guetem Tee. Det hemmer denne alli euses Teeli und es Sandwich bstellt, und chli d Kajsa gfiired.
Geg de Abig simmer denn mit es paar vo eusne ängste Kollege uf San Luis Obispo im Que Pasa, wo d Zayra schaffed, go Znacht ässe zäme. Es esch natürlech wedermol u fein gsi ond nachdem mer alli gässe hend ond sie no es gratis Dessert becho hed, semmer no chli in San Luis Obispo blobe ond hend det chli 'omeghengt'.... wien ech mis Läbe do doch liebe.. :)

senior ditch day :)

Am Donnschtig isch Senior Ditch Day gsi. Das heisst so vell wie, alli Seniors (Abschlossschüeler) gönd ned id Schuel. Eusi Groppe hed sech entschede a Beach z go, also hemmer das au gmacht. Zerscht semmer downtown San Luis Obispo öppis go ässe, imne Restaurant wo Firestone heisst. D Kajsa ond ech send aber erscht grad no ufgstande zu dem Zitponkt, drom hend mer eus es Kafi ond en Muffin gholt näbedra. Vo dete us simmer denne uf Avila gfahre, a Beach. Det hemmer es paar anderi Seniors vo eusere Schuel atroffe ond hend met dene chli Volleyball ond Fuessball gspellt.. esch werkli mega loschtig gsi, alles mega cooli Lüt ;) Leider heds eifach chli fescht gwendet, drom womer chli hii gläge sind hemmer nacher usgseh wienes panierts plätzli, wöus de Sand om üs ome gwirblet hed...

hiking bishops peak

On Monday after school, my friends and I hiked Bishops. It's a beautiful hike in San Luis Obispo. It took us like 1.5 hours to hike all the way up and we all realized that we're not in such good shape as in Track Season anymore ;)
On top of the mountain, you could see over whole San Luis Obispo. It was such a beautiful view, totally worth the 1.5 hours of hiking. We climbed the rock on top so we literally felt like we were on top of the world. It was just beautifully awesome!
After we hiked down again, we all went to Jamba Juice together and got smoothies :) What a fun day...

 halfway done...